為我朋友Patrick祈禱

今日天氣轉涼，但無阻我如常搵工。

經一輪電腦作業後，想落樓去影印鋪。但出面實在好凍，於是我係衣櫃搵落街衫的時候，發現一條Adidas深藍色長褲。

呢條褲係我朋友Patrick俾我既。果排，佢知我想買條長運動褲，而佢阿媽又買左兩條褲過佢，佢又唔想浪費，於是乎就咁俾左我。

呢條褲就咁一直擺係我衣櫃。

今日著住條褲返到屋企，發覺真係好暖！呢個時候，咁好彩又俾我見到「XXX剛上網」的msn視窗彈左出黎，於是乎我立即向條褲的前主人大讚特讚，我朋友回覆 “my mon spreaded her love to you” 。幾乎同一時間，我亦打左句“spread my thanks to your mon.”

正當我在意我倆都用“Spread” 呢個字時，佢同我講佢媽媽已經離開左。

早排我知佢媽媽入左院，但我無諗過會真係唔係度。雖然我未見過佢媽媽，但我好想多謝佢。

「樹欲靜而風不息，子欲養而親不在。」今日，作為朋友身份的我亦感受到。

人生無常。呢幾年佢經歷結婚，離婚，工作轉變，媽媽過身…大起大落…

法國人說得好。C’est la vie.

Spread your love whenever you can!

感動

這令我想起聖經中的一句經文「......當孝敬父母,使你得福,在世長壽......」