為什麼我一直返團契都唔開心?

你們當中有邊個係讀田家炳中學出身呢?如果你們仍然覺得係因為我的人際關係有問題,咁你們自己問番自己係咪真係我有問題,定你們有問題。如果你們仍然覺得係我的問題,我再說下去都無話可說......

我想我暫時都唔會再返團契了,但不代表我不要神,因為神從來都沒有離開過我!

仲有就係某部份團友是擁有大學學位學歷,是社會上的精英份子,理應有良好的人際關係,你們有否想過你們平時是用甚麼態度去與不同背景的人去溝通?
係看不起人?還是如何?

RAC 寫到:仲有就係某部份團友是擁有大學學位學歷,是社會上的精英份子,理應有良好的人際關係,你們有否想過你們平時是用甚麼態度去與不同背景的人去溝通?
係看不起人?還是如何?

因為就算天父、甚至我可以包容你們的過失,但是在現實社會環境裡,唔會人人都要遷就你們做人處事的態度。我係提醒你們或是唔妥你們,你們自己去揣摩。

RAC 寫到:

RAC 寫到:仲有就係某部份團友是擁有大學學位學歷,是社會上的精英份子,理應有良好的人際關係,你們有否想過你們平時是用甚麼態度去與不同背景的人去溝通?
係看不起人?還是如何?

因為就算天父、甚至我可以包容你們的過失,但是在現實社會環境裡,唔會人人都要遷就你們做人處事的態度。我係提醒你們或是唔妥你們,你們自己去揣摩。

即使你們覺得我咁講係自私也好,係唔理你們的感受也好,咁你們都反問自己係咪同我一樣都咁自私?

舉例來說:
1)完左團契之後,自己用完的筆、紙、詩歌紙應該放番好,不是次次都由幾位弟兄姊妹幫你們執手尾。

2)排椅,部份弟兄姊妹永遠都係敵不動、我不動,一係唔執,一執就執死幾個。

3)團契完左之後分享一些食物或飲品是平常的事情,但起碼食完野之後自己都清潔番地方,唔係等第二日崇拜後下午執拾的弟兄姊妹去做清潔。

4)大家都廿幾歲了,這些連一些小朋友最基本的事情都識做,沒有理由大家都唔識做?

為什麼你們一直都將我定型為唔出聲、唔鐘意玩、唔鐘意靚、只愛讀書的人? 咁我同一些女明星常被人定型為「花瓶」的道理有何分別?

補充一句: 我坦白的表達了我的想法,如果我hurt到任何人,我都要說聲「對不起」! 因為如果我唔講,你們係會不知道點樣同我溝通?
人與人的溝通就是這樣,向人坦白說出自己真正的感受是需要很大的勇氣,而勇氣的背後就是主耶穌所賜予的。

我都想有人打電話比我關心我,例如問我好番d未呀?最近工作如何呀?今日有冇D唔開心?有冇開心的事情?......但是你們一直以來都甚少打電話比我......你們都唔打電話比我,咁我咪SEND MESSAGE ......到我SEND MESSAGE比你們,你們就覺得我有問題........究竟你們一直以來係咪都係怕左我,覺得我有問題?

我返左團契咁耐,你們數下你們究竟有幾多次曾經打過電話搵過我?有幾多次曾經約我出街玩? 我唔想ISOLATE我自己,但係你們已經ISOLATE我,我內心點會時常開開心心? 你們時常叫我去覆診食藥,我本來係冇問題的都比你們攪到我以為我真係有問題!
我發脾氣、哭、笑等都係人之常情!人是有感情的動物.......一直以來,你們有當過我係人咩?

仲有,我返左教會咁耐,你們問番你們自己究竟放了幾多時間去真正關心和了解我? 我成日都係單丁一個! 我單丁一個的時候,就跟我講有主耶穌與我同在! 你們知唔知道我內心係極之難受! 我在教會裡, 沒有一個完全真正明白我的主內姊妹,就竟然係不是信主的中學同學。你們問番你們自己,你們如果係我,我個心會係幾咁難過和不開心!你們有比過機會我去跟你們相處嗎?定係我時常要製造機會去認識你們? 最後,團友只會一個一個地流失,彼此的關係只會愈來愈遠,我同你們的溝通永遠只是流於蜻蜓點水式。你們明白我的想法?我的感受嗎?

rachel:

謝謝你坦誠的分享，我明白你的感受，你可能覺得b/s唔了解你，在團契找不到知心友，同b/s唔係好熟，我地唔關心你，我地覺得你有問題，我唔否定你的感受，我明白你真係好唔開心，但我都想講下我的感受。

我覺得人與人之間的相處係雙向的，亦好微妙，有些人好outgoing、人緣好好、好快識到朋友、好容易可以投入一些團體，我都好羨慕佢地，我就係好慢熱的人，我需要好多好多時間先可以同其他人熟絡，我諗你同我都係一樣，比較慢熱，但係咪代表慢熱慢的人的人際關係有問題，或者身邊的人唔夠關心佢地，我唔覺得係，只係大家性格唔同，需要更多時間被人了解/了解其他人。我最知心的朋友其實都係教會以外的朋友，我唔覺得係教會搵到知心好友係必然的，雖然大家都係信主，始終背景、性格都好唔同，人地話「人生得一知己難求」，我係團契都未搵到知己，係咪代表團契b/s做係唔好，非也。

我地並無isolate你，你諗下，團契有邊次活動冇邀請你，有邊次食飯冇叫你，近幾年個個團友都有做生日，at least 有生日飯、蛋糕，有冇少你個份? 我想信好多b/s都有問候你的工作、生活，只不過唔係電話，係直接問候你，我都聽過唔少，這不是更好嗎? 坦白講，我都好少好少收到b/s的問候電話，大家工作都忙吧，我知道有些b/s要開OT到八、九點，一星期返三晚學，返到屋企都11點，大家互相體諒吧，我印象中都冇咩收過你ge問候電話，不過我唔覺得你唔關心我，因為我收過你ge心意咭、小禮物。

提你覆診食藥係出於關心，你問:「究竟你們一直以來係咪都係怕左我?」我可以代表所有b/s同你講，絕對唔係，唔係唔係唔係，最後講一句: 大家都愛你。

如果問西亞團契有冇做得唔好ge地方，我答一定有，我地互相提點、互相體諒吧! 最後祝大家新年快樂!!!

明白

但是,有一點我不是這樣想....
就是我從來都不會計較你們有沒有預埋我果份,或者你們有D咩活動不叫我去.....
如果我真係連這些都計較我自己有冇得去,難道主耶穌的愛可以用這些活動去衡量嗎?
主耶穌的愛可以計較嗎?
同樣地,是因為我愛弟兄姊妹,我才先小人後君子......

「所以,你們在基督裡若有甚麼勸勉,有甚麼愛心的安慰,有甚麼靈裡的契通,有甚麼慈悲和憐憫,就應當有同樣的思想,同樣的愛心,要心志相同,思想一致,使我充滿喜樂。不要自私自利,也不要貪圖虛榮,只要謙卑,看別人比自己強;各人不要單顧自己的事,也要顧別人的事。你們應當有這樣的意念,這也是耶穌基督的意念。(腓立比書2:1-5)


~開放自己難免要付出代價,例如對人坦誠時會顯露自己的某些弱點給人知道、要勝過自己內向的性格、要多花時間去接觸,但如果真的在靈裡彼此有交通勉勵,那是值得的。(資料來源:茁苗---主內交通)